அதிரடி விலைக்குறைப்பில் iQoo 3! ஆரம்ப விலை ரூ.34,990/-

இந்தியாவில் iQoo 3-யின் விலை அதிரடியாக குறைக்கப்பட்டுள்ளது. கொரோனா வைரஸ் தொற்றால் iQoo 3-ன் விலையை திருத்தியுள்ளதாக iQoo கூறுகிறது. போனின் விலை இப்போது ரூ.34,990-யாக உள்ளது. இந்த போன் மூன்று ரேம் மற்றும் ஸ்டோரேஜ் வேரியண்டில் வருகிறது. 

நாட்டில் ஊரடங்கு முடிந்ததும் iQoo 3 விற்பனை தொடங்கும் என்று, iQoo இந்தியாவின் சந்தைப்படுத்தல் இயக்குனர் ககன் அரோரா ட்வீட்டரில் தெரிவித்தார்.

இந்தியாவில் iQoo 3 விலை (திருத்தப்பட்டது)

போனின் 8GB + 128GB (4ஜி) மாடலின் விலை ரூ.36,990-யில் இருந்து ரூ.34,990-யாக குறைக்கப்பட்டுள்ளது. 
8 ஜிபி + 256 ஜிபி (4ஜி) வேரியண்ட் ரூ.39,990-யில் இருந்து ரூ.37,990-யாக குறைக்கப்பட்டுள்ளது. 
இருப்பினும், 12 ஜிபி + 256 ஜிபி (5ஜி) வேரியண்ட்டில் எந்த விலைக் குறைப்பும் இல்லை. போனின் விலை ரூ.44,990-யில் உள்ளது.

புதிய விலைகள் Flipkart மற்றும் iqoo.com இரண்டிலும் கிடைக்கும்.

போனின் விவரங்கள்:

iQoo 3 பிப்ரவரியில் குவால்காம் ஸ்னாப்டிராகன் 865 SoC மற்றும் குவாட் ரியர் கேமரா அமைப்புடன் இந்தியாவில் அறிமுகப்படுத்தப்பட்டது. இது, HDR 10+ டிஸ்ப்ளே மற்றும் 55W சூப்பர் ஃப்ளாஷ் சார்ஜ் வேகமான சார்ஜிங் ஆதரவுடன் 4,440mAh பேட்டரியைக் கொண்டுள்ளது.