ஆப்பிளின் புதிய ஐபோன் எஸ்இ (2020) அறிமுகம்! 

Apple நிறுவனத்தின் புதிய ஐபோன் எஸ்இ (2020) அறிமுகமாகியுள்ளது. இந்த ஐபோன் மாடலின் விலை மிகவும் மலிவாகும். புதிய ஐபோன், ஆப்பிள் ஏ 13 பயோனிக் சிப்பால் இயக்கப்படுகிறது. இது, டச் ஐடி கைரேகை சென்சாரையும் கொண்டுள்ளது. 

ஐபோன் எஸ்இ (2020) விலை:

அமெரிக்காவில் iPhone SE (2020)-யின் 64 ஜிபி மாடலின் விலை 399 டாலர் (இந்திய மதிப்பில் சுமார் ரூ.30,600)-யாகவும், 128 ஜிபி மாடலின் விலை 499 டாலர் (இந்திய மதிப்பில் சுமார் ரூ.38,200)-யாகவும், 256 ஜிபி மாடலின் விலை 549 டாலர் (இந்திய மதிப்பில் சுமார் ரூ.45,000)-யாகவும் உள்ளது. இந்த போன், கருப்பு, வெள்ளை மற்றும் சிவப்பு கலர் ஆப்ஷன்களில் வருகிறது. அமெரிக்காவில் ஏப்ரல் 24 முதல் விற்பனைக்கு வரும்.

ஐபோன் எஸ்இ (2020)-யின் அனைத்து வேரியண்டுகளுக்கான இந்தியா விலை மற்றும் வெளியீட்டு தேதி இன்னும் வெளியிடப்படவில்லை.

ஐபோன் எஸ்இ (2020) விவரங்கள்: 

ஐபோன் எஸ்இ (2020)-யில் 750x1334 பிக்சல் தெளிவுதிறனுடன் 4.7 இன்ச் ரெடினா எச்டி ஐபிஎஸ் எல்சிடி டிஸ்பிளே உள்ளது. இது 625 நிட்ஸின் உச்ச பிரகாசத்தை வழங்குகிறது. டால்பி விஷன் மற்றும் எச்டிஆர் 10-க்கான ஆதரவு உள்ளது. டிஸ்பிளே பேனலில் புதிய ஐபோன் மாடல்களில் காணப்படும் ஹாப்டிக் டச் ஆதரவு உள்ளது. இந்த போன், ஆப்பிள் ஏ 13 பயோனிக் சிப்பால் இயக்கப்படுகிறது. இது, தூசி மற்றும் நீர் எதிர்ப்பிற்கான ஐபி 67 மதிப்பீட்டையும் கொண்டுள்ளது. இந்த போன், நீரில் 30 நிமிடங்கள் வரை செயலிழக்காமல் இருக்கும்.

ஐபோன் எஸ்இ (2020)-வின் பின்புறத்தில் ஒற்றை 12 மெகாபிக்சல் கேமரா சென்சாரைக் கொண்டுள்ளது. இதில் Slow Sync உடன் எல்இடி ட்ரூ டோன் ஃபிளாஷ் உள்ளது. இது 60fps வரை 4 கே வீடியோ பதிவையும், புகைப்படங்களுக்கு ஸ்மார்ட் எச்டிஆரையும் வழங்குகிறது. பின்புற கேமராவைப் பாதுகாக்கும் சபையர் கிரிஸ்டல் லென்ஸ் கவர் உள்ளது. செல்பி மற்றும் வீடியோக்களுக்கு, முன்பக்கத்தில் 7 மெகாபிக்சல் கேமரா உள்ளது. புதிய ஐபோன், டச் ஐடி கைரேகை சென்சாருடன் வருகிறது. 

ஆப்பிள் வழக்கம்போல, பேட்டரியின் அளவு அல்லது ஐபோன் எஸ்இ (2020)-வில் ரேம் அளவை விவரிக்கவில்லை. இது குய் வயர்லெஸ் சார்ஜிங் தரத்தைப் பயன்படுத்தி வயர்லெஸ் சார்ஜிங்கும் துணைபுரிகிறது. இந்த போன் 138.4x67.3x7.3 மிமீ அளவு மற்றும் 148 கிராம் எடையும் கொண்டது.