Samsung Galaxy S25 Ultra மற்றும் iPhone 16 Pro ஆகியவை Amazon மற்றும் Flipkart இல் தள்ளுபடி விலையில் கிடைக்கின்றன
Photo Credit: Samsung
பண்டிகைக் காலம் வந்துவிட்டது! ஒவ்வொரு வருஷமும் நடக்குற Amazon Great Indian Festival மற்றும் Flipkart Big Billion Days விற்பனைகள் இந்த வருஷமும் செப்டம்பர் 23-ஆம் தேதியிலிருந்து தொடங்குகிறது. எப்போதும் இந்த விற்பனையில் ஸ்மார்ட்போன்களுக்குத்தான் அதிக மவுசு. இந்த முறை, ஆண்ட்ராய்டு உலகின் ராஜாவான Samsung-ம், ஐபோன் உலகின் முடிசூடா மன்னனான Apple-ம் தங்கள் பிரீமியம் ஃபோன்களுக்கு மிகப்பெரிய விலைக் குறைப்பை அறிவிச்சு, வாடிக்கையாளர்களைத் திக்குமுக்காட வச்சிருக்காங்க. Samsung Galaxy S24 Ultra மற்றும் iPhone 16 Pro இந்த இரண்டு போன்களின் விலைகளும் இப்போது பெரிதும் குறைந்திருக்கிறது. எது பெஸ்ட் என்பதை விரிவாகப் பார்ப்போம்.
Samsung Galaxy S24 Ultra - சலுகை விவரங்கள்
Samsung-ன் இந்த பிரம்மாண்டமான ஃபோன், அதன் ஆரம்ப விலை ₹1,29,999-லிருந்து ₹1,34,999 வரை இருந்தது. ஆனால், இந்த Amazon Great Indian Festival விற்பனையில், இதன் விலை சுமார் ₹71,999-க்குக் குறையப் போகிறது.
iPhone 16 Pro - சலுகை விவரங்கள்,Apple-ன் சமீபத்திய பிரீமியம் போன்களில் ஒன்றான iPhone 16 Pro, இதன் ஆரம்ப விலை ₹1,19,900-லிருந்து Flipkart-ன் Big Billion Days விற்பனையில் வெறும் ₹69,999-க்குக் குறையப் போகிறது.
சாம்சங் S24 Ultra vs ஐபோன் 16 Pro - ஒரு நேரடி ஒப்பீடு
விலை: ஐபோன் 16 Pro-வின் விற்பனை விலை (₹69,999) சாம்சங் S24 Ultra-வை விட (₹71,999) சற்று குறைவாக உள்ளது. விலைதான் முக்கியம் என்றால், ஐபோன் ஒரு நல்ல சாய்ஸ்.
பெர்ஃபார்மன்ஸ்: இரண்டு போன்களும் தங்கள் பிராண்டின் மிகச்சிறந்த பிராசஸர்களைக் கொண்டுள்ளன. ஆண்ட்ராய்டில் Snapdragon-ஐயும், ஐஓஎஸ்-ல் A18 Pro-வையும் விட சிறந்த பிராசஸர் கிடையாது. இரண்டின் வேகமும் மிகச் சிறப்பாக இருக்கும்.
கேமரா: சாம்சங் S24 Ultra-வில் 200MP சென்சார் மற்றும் அதிக ஜூம் செய்யும் திறன் உள்ளது. ஐபோன் 16 Pro-வில் 48MP சென்சார் இருந்தாலும், அதன் இமேஜ் பிராசஸிங் மற்றும் வீடியோ ரெக்கார்டிங் தரம் எப்போதும் மிகச் சிறந்தது.
சிறப்பு அம்சங்கள்: சாம்சங் S24 Ultra-வின் மிகப்பெரிய பலம் அதன் S Pen மற்றும் Galaxy AI அம்சங்கள். இது போனை ஒரு சிறிய கம்ப்யூட்டராக மாற்றும். ஐபோன் 16 Pro-வின் Action Button மற்றும் iOS-ன் தனித்துவமான வசதிகள் அதற்கு ஒரு தனி அடையாளத்தைக் கொடுக்கும்.
இந்த இரண்டு போன்களுமே அவற்றின் விலைக்கு நிகரான மதிப்பை அளிக்கின்றன. நீங்கள் ஒரு ஆண்ட்ராய்டு யூசராக இருந்து, பெரிய ஸ்கிரீன், S Pen மற்றும் அதிக கேமரா அம்சங்கள் வேண்டுமென்றால், Samsung Galaxy S24 Ultra ஒரு சிறப்பான தேர்வு. ஆனால், நீங்கள் ஒரு ஐபோன் யூசராக இருந்து, அதிக சக்திவாய்ந்த மற்றும் நம்பகமான ஒரு போனை தேடினால், iPhone 16 Pro சரியான முடிவு. எது வாங்கினாலும், இந்த விற்பனை விலையில் அது உங்களுக்கு ஒரு நல்ல டீலாக இருக்கும்.
புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.
...மேலும்