ஹேக் செய்யப்பட்ட ஜூம் கணக்குகளில் பல பல்கலைக்கழகங்களைச் சேர்ந்த கல்லூரி மாணவர்கள் அடங்குவர்
Photo Credit: BleepingComputer
வீடியோ கான்பரன்சிங் செயலியான ஜூம், ஊரடங்கால் வீட்டிற்குள்ளேயே முடங்கிக்கிடக்கும் மக்களுக்கு உறவினர்கள், நண்பர்களுடன் உரையாட பெரிதும் பயனுள்ளதாக இருந்தது. இந்த செயலி குறைந்த நாட்களில் பெரிய வளர்ச்சி கண்டது. இப்போது, 5 லட்சத்திற்கும் மேற்பட்ட ஜூம் கணக்குகள் ஹேக் செய்யப்பட்டு dark web-ல் விற்பனை செய்யப்படுவதாக ஒரு புதிய அறிக்கை கூறுகிறது.
ஹேக்கர்கள், இந்த Zoom கணக்குகளை, இலவசமாக விற்கிறார்கள் என்று ஸ்லீப்பிங் கம்ப்யூட்டரின் அறிக்கை கூறுகிறது. இந்த தகவலை முதலில் சைபர் செக்யூரிட்டி புலனாய்வு நிறுவனமான சைபிள் சுட்டிக்காட்டியது. 5,30,000 ஜூம் கணக்குகளை, ஒரு கணக்கிற்கு 0.0020 டாலர் (சுமார் ரூ.0.15)-க்கு விற்ற விற்பனையாளர்களை நிறுவனம் கண்டறிந்தது. சான்றிதழ் திணிப்பு தாக்குதல்கள் மூலம் கசிந்த கணக்குகள் login செய்து ஹேக் செய்யப்பட்டு, பிற ஹேக்கர்களுக்கு விற்கப்படுகின்றன.
இந்த ஜூம் கணக்கு சான்றிதழ்களில் மின்னஞ்சல் முகவரி, பாஸ்வேட், தனிப்பட்ட சந்திப்பு URL-கள் மற்றும் ஹோஸ்ட்கீஸ் ஆகியவை அடங்கும். ஹேக் செய்யப்பட்ட ஜூம் கணக்குகளில் பல பல்கலைக்கழகங்களைச் சேர்ந்த கல்லூரி மாணவர்கள் அடங்குவர். பயனர்கள் தங்கள் ஜூம் பாஸ்வேட்களை மாற்றுவது மிகவும் அறிவுறுத்தப்படுகிறது. ஒவ்வொரு தளத்திற்கும் தனிப்பட்ட பாஸ்வேட்களைப் பயன்படுத்த வேண்டும்.
பயனர்கள் Cyble's AmIBreached / Have I Been Pwned சேவைக்குச் செல்வதன் மூலம் அவர்களின் மின்னஞ்சல் முகவரி கசிந்திருக்கிறதா என்று சரிபார்க்கலாம். மேலும், செயலியின் தலைமை நிர்வாக அதிகாரி எரிக் யுவான் ஒரு லைவ்ஸ்ட்ரீமை நடத்தி பிரச்சினைகளை ஒப்புக் கொண்டு, அவற்றை சரிசெய்ய நிறுவனம் செயல்பட்டு வருவதாகக் கூறினார்.
Mi TV 4X vs Vu Cinema TV: Which is the best budget TV in India right now? We discussed this on Orbital, our weekly technology podcast, which you can subscribe to via Apple Podcasts or RSS, download the episode, or just hit the play button below.