இனி YouTube பார்க்க இவ்வளோ காசு கட்டியாகணும்!

விளம்பரம்
Written by Gadgets 360 Staff மேம்படுத்தப்பட்டது: 29 ஆகஸ்ட் 2024 11:24 IST
ஹைலைட்ஸ்
  • யூடியூப் பிரீமியம் சந்தா கட்டணம் உயர்ந்துள்ளது
  • ரூ 189 முதல் மாதம் ரூ 299 வரை செலுத்த வேண்டும்
  • ப்ரீபெய்டு YouTube பிரீமியமும் உயர்ந்துள்ளது

Photo Credit: Pexels/ Szabo Viktor

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். மொபைல் போன்களை தாண்டியும் மற்ற கேட்ஜெட்களை பற்றியும் தெரிந்து கொள்ளலாம். இப்போ நாம் பார்க்க இருப்பது YouTube Premium பற்றி தான்.

ஒவ்வொரு மொழியிலும் யூடியூப் வீடியோக்கள் கிடைப்பதால், பலர் யூடியூப்பையே அதிகம் பயன்படுத்துகின்றனர். சமூக ஊடகங்களில் முக்கிய பங்கு வகிக்கும் YouTube Premium சந்தா கட்டணத்தை கூகுள் அதிகரித்துள்ளது. YouTube Premium சேவையின் கட்டணத்தை அந்நிறுவனம் உயர்த்தியுள்ளது. Family Plan சேவைக்கான மாதாந்திர கட்டணம் ரூ.189ல் இருந்து ரூ.299 ஆகவும், தனிப்பட்ட ப்ரீமியம் சேவைக்கான கட்டணம் ரூ.129ல் இருந்து ரூ.149 ஆக உயர்த்தப்பட்டுள்ளது. YouTube Premium வசதி துவங்கப்பட்டு 5 ஆண்டுகளில் இந்த கட்டண உயர்வு அறிமுகப்படுத்தப்பட்டுள்ளது.

இந்த மாற்றத்தால், தனிநபர், குடும்பம் மற்றும் மாணவர் உட்பட அனைத்து சந்தா திட்டங்களும் இப்போது கணிசமாக விலை கண்டுள்ளது. சில திட்டங்களுக்கு விலை உயர்வு சிறியதாக இருந்தாலும், மற்றவை அவற்றின் அசல் விலையை விட கணிசமாக அதிகரித்துள்ளது. YouTube Premium மூலம் சந்தாதாரர்கள் வீடியோக்களை விளம்பரமில்லாமல் பார்க்க முடியும். ஸ்ட்ரீமிங், வீடியோக்களைப் பார்க்கும் திறன், பின்னணியில் இசையைக் கேட்கும் திறன், பிக்சர்-இன்-பிக்ச்சர் (PiP) பயன்முறை போன்ற வசதிகளை பெறுகின்றனர்.

யூடியூப் பிரீமியம் விலை உயர்வு ஏற்கனவே அமலுக்கு வந்துள்ளது. புதிய ப்ளான் எடுப்பவர்களுக்கு கூடுதல் கட்டணங்கள் பொருந்தும். ஏற்கனவே ஏதேனும் பிரீமியம் திட்டத்தில் இருப்பவர்கள் அடுத்தமுறை கட்டணம் செலுத்தும் போது புதிய கட்டண முறை அமலுக்கு வரும்.

மாதாந்திர, காலாண்டு, ஆண்டு தனிநபர் முன்பணத் திட்டங்களின் விலைகளும் உயர்ந்துள்ளன

யூடியூப் பிரீமியம் மாதாந்திர சந்தா திட்டம் ரூ.129ல் இருந்து ரூ.149 ஆக அதிகரித்துள்ளது.

மூன்று மாத காலாண்டு திட்டத்தின் விலை ரூ.399ல் இருந்து ரூ.459 ஆக அதிகரித்துள்ளது.

ஆண்டு திட்ட விலை ரூ.1,290ல் இருந்து ரூ.1,490 ஆக அதிகரித்துள்ளது.

Advertisement

ஐந்து பேர் பகிரக்கூடிய குடும்பத் திட்டத்தை YouTube Premium மாதம் ரூ.189 ஆக இருந்தது. அது தற்போது 299 ஆக உயர்ந்து உள்ளது. விலை 58 சதவீதம் அதிகரித்துள்ளது.

மாணவர் மாதத் திட்டம் இதுவரை ரூ.79 ஆக இருந்த நிலையில், ரூ.89 ஆக உயர்த்தப்பட்டுள்ளது. இது 12.6 சதவீதம் விலை உயர்வாகும்.

விலை உயர்வு தொடர்பாக YouTube ஏற்கனவே உள்ள பயனர்களுக்கு இ-மெயில் அனுப்பத் தொடங்கியுள்ளது. சந்தாவைத் தொடர பயனர்கள் புதிய கட்டணங்களை ஏற்க வேண்டிய கட்டாயம் ஏற்பட்டுள்ளது.

Advertisement

பிரீமியம் சந்தா எடுத்தால் கிடைக்கும் நன்மை

YouTube பிரீமியம் சந்தாவை எடுத்தால் விளம்பரம் இல்லாத ஸ்ட்ரீமிங் கிடைக்கும். 1080p தெளிவுத்திறனில் அதிக-பிட்ரேட் ஸ்ட்ரீமிங் செய்யலாம். ஆஃப்லைன் பதிவிறக்கம், பின்னணி பிளேபேக், யூடியூப் மியூசிக் ஆப் வசதியில் விளம்பரம் இல்லாத பாடல் ஸ்ட்ரீமிங் போன்ற நன்மைகள் கிடைக்கும்

 

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

 ...மேலும்
        
Advertisement
Popular Brands
#சமீபத்திய செய்திகள்
  1. 7,000mAh பேட்டரி கொண்ட உலகின் முதல் போன்! Oppo F31 சீரிஸ் லீக் ஆகி ரசிகர்களுக்கு இன்ப அதிர்ச்சி!
  2. அவசர வேலைகளில் 'உதவாத' ஏர்டெல்! ஒரே வாரத்தில் இரண்டாவது முறை சேவை முடக்கம்
  3. மடக்கலாம், மிரட்டலாம்! Honor-ன் புது போன் சந்தையில் அறிமுகம்! விலை, சிறப்பம்சங்கள் இதோ!
  4. பெங்களூருவில் Apple-ன் புதிய கடை! செப்டம்பர் 2-ல் திறப்பு! என்ன ஸ்பெஷல்?
  5. இந்தியாவில் Pixel 10, Pixel 10 Pro, Pixel 10 Pro XL லான்ச்! ₹79,999-க்கு Google-ன் புது அஸ்திரம்
  6. கூகிளின் முதல் IP68 ஃபோல்டபிள் போன் லான்ச்! ₹1.72 லட்சத்தில் Pixel 10 Pro Fold
  7. Redmi 15 5G: ₹15,000-க்குள்ளே 7,000mAh பேட்டரி, 144Hz டிஸ்ப்ளே உடன் மாஸ் என்ட்ரி!
  8. Airtel-ன் அதிர்ச்சி அறிவிப்பு! ₹249 ரீசார்ஜ் திட்டம் நீக்கம்! இனி ₹50 அதிகம் செலவு செய்யணும்
  9. Honor X7c 5G லான்ச்! ₹14,999-க்கு 5G போன்! Snapdragon 4 Gen 2 SoC, 5,200mAh பேட்டரி
  10. Airtel-ஆல் வந்த ஜாக்பாட்! 6 மாதங்களுக்கு Apple Music இலவசம்! எப்படி ஆக்டிவேட் செய்வது
Download Our Apps
Available in Hindi
© Copyright Red Pixels Ventures Limited 2025. All rights reserved.