டிக்டாக்கை போல் மாறும் ஃபேஸ்புக்? முழு விவரங்கள்.!

விளம்பரம்
Written by Tasneem Akolawala மேம்படுத்தப்பட்டது: 15 ஆகஸ்ட் 2020 18:38 IST
ஹைலைட்ஸ்
  • ஃபேஸ்புக் நிறுவனம் இன்ஸ்டாகிராமில் ரீல்ஸ் என்ற அம்சதை அறிமுகம் செய்தது
  • தற்போது டிக்டாக் போன்று குறுவீடியோ அம்சத்தை ஃபேஸ்புக்கில் சோதனை
  • அமெரிக்காவிலும் டிக்டாக்கிற்கு தடை விதிக்கப்படுகிறது

இந்தியாவில் டிக்டாக் தடைசெய்யப்பட்ட பிறகு அந்த இடத்தை பிடிக்க ஃபேஸ்புக் முயற்சிக்கிறது

இந்தியாவில் டிக்டாக் தடை செய்யப்பட்டிருக்கும் நிலையில், டிக்டாக்கைப் போன்றே குறுவீடியோ அம்சத்தைக் கொண்டு வர ஃபேஸ்புக் முயற்சித்து வருகிறது. 

சீனாவுடனான எல்லை பிரச்சனைக்கு பிறகு இந்தியாவில் கடந்த ஜூன் மாதம் சீன செயலியான டிக்டாக் தடை செய்யப்பட்டது. இதனைத் தொடர்ந்து தற்போது அமெரிக்காவிலும் டிக்டாக் செப்டம்பர் முதல் முழுமையாக தடை செய்யப்படுகிறது.

இந்த நிலையில், தற்போது பிரபல சமூகவலைதளமான ஃபேஸ்புக் நிறுவனம், டிக் டாக் பாணியில் புதியதொரு அம்சத்தைக் கொண்டு வர சோதனை செய்து வருகிறது. ஏற்கனவே, இன்ஸ்டாகிராம் ரீல்ஸ் அறிமுகம் செய்யப்பட்ட நிலையில், இந்த புதிய முயற்சியை கையில் எடுத்துள்ளது. 

இது தொடர்பாக சமூகவலைதள நிபுணர் மாத் நவர்ரா தனது டுவிட்டர் பக்கத்தில் ஃபேஸ்புக்கின் குறுவீடியோ குறித்த விவரங்களை வெளியிட்டுள்ளார். அதன்படி, டிக்டாக்கில் உள்ளது போன்றே குறுவீடியோக்களையும், ஸ்வைப் செய்தால் அடுத்த வீடியோ உடனடியாகத் தோன்றும்படியும் ஒரு அம்சத்தை உருவாக்கி வருகிறது. 

மேலும், இந்த குறுவீடியோக்களை வாட்ஸ்அப், இன்ஸ்டாகிராம் போன்றவற்றிலும் எளிதாக பகிரும் வகையில் வடிவமைக்கப்பட்டுள்ளது.  அத்துடன் கமெண்ட்ஸ், லைக்ஸ் போன்றவைகளும் எளிமையாக்கப்படுகின்றன. இது தற்சமயம் சோதனை முறையில் செயலாக்கப்பட்டு வருகிறது. இன்னும் அறிமுகம் செய்யப்படவில்லை. இதனால், ஃபேஸ்புக்கின் புதிய அப்டேட்டில் இந்த வசதி இருக்காது. விரைவில் கொண்டு வரப்படும் என்று கூறப்படுகிறது. 

முன்னதாக தடை செய்யப்பட்ட பிரபல டிக்டாக் செயலியை வாங்குவதற்கு மைக்ரோசாப்ட் நிறுவனமும், டுவிட்டர் நிறுவனமும் ஆர்வம் காட்டி வந்தன. இதனிடையே கடந்த மாதம் ரிலையன்ஸ் நிறுவனத்துடன் பைட்டான்ஸ் நிறுவனம் ஒப்பந்த பேச்சுவார்த்தை நடத்தியதாக தெரிகிறது. ஆனால், அப்போது எந்தவிதமான அறிவிப்பும் வெளியாகவில்லை. 

மேலும், தற்போது டிக்டாக்கின் வணிகத்தில் முதலீடு செய்வதற்காக ரிலைன்ஸ் நிறுவனத்துடன் மீண்டும் ஆரம்ப கட்ட பேச்சுவார்த்தை நடைபெறுவதாக செய்திகள் வந்துள்ளன.  இந்த செய்திக்கு ரிலையன்ஸ் தரப்பிலும், டிக்டாக் தரப்பிலும் எந்த மறுப்பும் வரவில்லை. 


In 2020, will WhatsApp get the killer feature that every Indian is waiting for? We discussed this on Orbital, our weekly technology podcast, which you can subscribe to via Apple Podcasts or RSS, download the episode, or just hit the play button below.

 

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

மேலும் படிக்க: Facebook, Facebook Short Videos, TikTok
Advertisement
Popular Brands
#சமீபத்திய செய்திகள்
  1. Redmi 15 5G: ₹15,000-க்குள்ளே 7,000mAh பேட்டரி, 144Hz டிஸ்ப்ளே உடன் மாஸ் என்ட்ரி!
  2. Airtel-ன் அதிர்ச்சி அறிவிப்பு! ₹249 ரீசார்ஜ் திட்டம் நீக்கம்! இனி ₹50 அதிகம் செலவு செய்யணும்
  3. Honor X7c 5G லான்ச்! ₹14,999-க்கு 5G போன்! Snapdragon 4 Gen 2 SoC, 5,200mAh பேட்டரி
  4. Airtel-ஆல் வந்த ஜாக்பாட்! 6 மாதங்களுக்கு Apple Music இலவசம்! எப்படி ஆக்டிவேட் செய்வது
  5. iQOO 15: Snapdragon 8 Gen 4, 150W சார்ஜிங்! அடுத்த வருஷம் மாஸ் என்ட்ரி கொடுக்கப்போகுது!
  6. Infinix Hot 60i 5G: ₹10,000-க்குள்ளே 6,000mAh பேட்டரியுடன் மாஸ் என்ட்ரி!
  7. Vu Glo QLED TV 2025: 120W சவுண்ட்பார், 120Hz ரிஃப்ரெஷ் ரேட் உடன் அதிரடி! விலை மற்றும் முழு அம்சங்கள்!
  8. Realme P4 சீரிஸ்: 6,000 nits டிஸ்ப்ளேவுடன் ஒரு புது புரட்சி! ஆகஸ்ட் 20-ல் இந்தியாவில் வெளியீடு
  9. Oppo K13 Turbo: போனுக்குள்ள ஃபேனா? இந்தியால லான்ச் ஆன முதல் கூலிங் ஃபேனுடன் கூடிய ஸ்மார்ட்போன்
  10. Lava Blaze AMOLED 2 5G: ₹13,499-க்கு AMOLED டிஸ்ப்ளே, Dimensity 7060 ப்ராசஸரோட மிரட்டல் லான்ச்
Download Our Apps
Available in Hindi
© Copyright Red Pixels Ventures Limited 2025. All rights reserved.