சியோமியின் "Mi Band 4", புதிய அறிமுகமாகும் இந்த ஸ்மார்ட்வாட்சில் என்னவெல்லாம் உள்ளது?

சியோமி நிறுவனம், தனது புதிய ஸ்மார்ட்வாட்சான "Mi Band 4"-ஐ ஜூன் 11 தேதியன்று சீனாவில் அறிமுகப்படுத்தவுள்ளது. இந்த தகவலை தனது வெய்போ பக்கத்தில் ஒரு பதிவின் மூலம் உறுதி செய்துள்ளது சியோமி நிறுவனம். இந்த "Mi Band 4", முன்னதாகவே கடந்த ஆண்டு செப்டம்பர் மாதம் இந்தியாவில் வெளியான "Mi Band 3"-ன் அடுத்த மாடலாக இருக்கும் என அந்த நிறுவனம் அறிவித்துள்ளது. முன்னதாக கடந்த மார்ச் மாதம் ,சியோமியின் இந்த "Mi Band 3" 10 லட்சம் விற்பனை எண்ணிக்கையை எட்டியது என்பது குறிப்பிடத்தக்கது. புதிதாக அறிமுகமாகவுள்ள இந்த "Mi Band 4" ஸ்மார்ட்வாட்ச் கலர் டிஸ்ப்லே, ஹார்ட் ரேட் சென்சார் ஆகிய அம்சங்களை கொண்டிருக்கும் என எதிர்பார்க்கப்படுகிறது. 

இந்த "Mi Band 4" ஸ்மார்ட்வாட்ச் குறித்த அறிவிப்பை சியோமியின் மிஜியா நிறுவனம் தனது வெய்போ பக்கத்தில் அறிவித்துள்ளது. அந்த பதிவின் அடிப்படையில் இந்த ஸ்மார்ட்வாட்ச் சீனாவில் வருகின்ற ஜூன் 11-ஆம் தேதியன்று அறிமுகமாகவுள்ளது. மேலும் அந்த பதிவில் வெளியிடப்பட்ட டீசரின் வாயிலாக இந்த ஸ்மார்ட்வாட்ச் கலர் டிஸ்ப்லே கொண்டிருக்கும் என எதிர்பார்க்கப்படுகிறது. 

முன்னதாக இந்த ஸ்மார்ட்வாட்ச் பற்றி வெளியான தகவலின்படி, இந்த  "Mi Band 4" ஸ்மார்ட்வாட்ச் கலர் OLED திரையை கொண்டிருக்கும் என எதிர்பார்க்கப்படுகிறது. மேலும் இந்த ஸ்மார்ட்வாட்ச்  "Mi Band 3"-யின் திரையை விட பெரிய திரையை கொண்டிருக்கும் என எதிர்பார்க்கப்படுகிறது. இதன் முந்தைய ஸ்மார்ட்வாட்சை விட அதிகரித்த பேட்டரி அளவை கொண்டு வெளியாகும் என எதிர்பார்க்கப்படும் இந்த ஸ்மார்ட்வாட்சில் ஹார்ட் ரேட் சென்சார் பொருத்தப்பட்டிருக்கும் எனவும் எதிர்பார்க்கப்படுகிறது.

இன்னும், அதிகாரப்பூர்வமாக அறிமுகமாகாத நிலையில், சீனாவில் வெளியாகும் இந்த ஸ்மார்ட்வாட்சின் விலை 199 சீன யுவான்களாக (1,994 ரூபாய்) இருக்கும் என எதிர்பார்க்கப்படுகிறது.

முன்னதாக, இந்தியாவில் வெளியான "Mi Band 3", 1,999 ரூபாய் என்ற விலையில் விற்பனையானது.