3 பின்புற கேமரா, 4,500mAh பேட்டரி, அறிமுகமானது 'விவோ Z5'!

கடந்த புதன்கிழமையன்று, சீனாவில் விவோ நிறுவனம் தனது புதிய ஸ்மார்ட்போனான 'விவோ Z5' அறிமுகப்படுத்தியது. 19.5:9 திரை விகிதம், வாட்டர்-ட்ராப் நாட்ச் திரை என்ற திரை அம்சங்களை கொண்டுள்ளது இந்த 'விவோ Z5'. 8GB வரையில் RAM அளவுகளைக் கொண்ட இந்த ஸ்மார்ட்போனில் ஸ்னேப்ட்ராகன் 712 எஸ்.ஓ.சி ப்ராசஸர் பொருத்தப்பட்டுள்ளது. இந்த ஸ்மார்ட்போன் சூப்பர் நைட் வியூ 2.0+ கேமரா தரத்துடன் அறிமுகமாகியுள்ளது. சிறந்த கேமிங் அனுபவத்தை அளிக்க, இந்த ஸ்மார்ட்போன் 'மல்டி-டர்போ' வசதியை கொண்டுள்ளது. 

'விவோ Z5': விலை!

சீனாவில் அறிமுகமாகியுள்ள இந்த ஸ்மார்ட்போன், நான்கு வகைகளில் அறிமுகமாகியுள்ளது. 6GB RAM + 64GB சேமிப்பு அளவு ஸ்மார்ட்போன் 1,598 யுவான்கள் (சுமார் 16,000 ருபாய்) என்ற விலையிலும், 6GB RAM + 128GB அளவு ஸ்மார்ட்போன் 1,898 யுவான்கள் (சுமார் 19,000 ருபாய்) என்ற விலையிலும், 6GB RAM + 256GB சேமிப்பு அளவு ஸ்மார்ட்போன் 1,998 யுவான்கள் (சுமார் 20,000 ருபாய்) என்ற விலையிலும், 8GB RAM + 128GB சேமிப்பு அளவு ஸ்மார்ட்போன் 2,298 யுவான்கள் (சுமார் 23,000 ருபாய்) என்ற விலையிலும் அறிமுகமாகியுள்ளது.

இவற்றில் 8GB RAM + 128GB சேமிப்பு அளவு வகையை தவிற அனைத்து வகை 'விவோ Z5' ஸ்மார்ட்போன்களும் சீனாவில் விற்பனையில் உள்ளது.

'விவோ Z5': சிறப்பம்சங்கள்!

இரண்டு நானோ சிம் வசதி கொண்ட இந்த ஸ்மார்ட்போ ன் ஃபன்டச் OS 9.1, ஆண்ட்ராய்ட் 9 பை அமைப்பு ஆகியவற்றை கொண்டு செயல்படுகிறது. 6.38-இன்ச் FHD+ (1080x2340 பிக்சல்கள்) திரையை கொண்டுள்ளது. இந்த ஸ்மார்ட்போன் ஸ்னேப்ட்ராகன் 712 எஸ் ஓ சி ப்ராசஸர் கொண்டு செயல்படுகிறது.

மூன்று பின்புற கேமராக்களை கொண்ட இந்த ஸ்மார்ட்போன், 48 மெகாபிக்சல் அளவிலான முதன்மை கேமராவை கொண்டுள்ளது. 8 மெகாபிக்சல் மற்றும் 2 மெகாபிக்சல் என்ற அளவுகளில் மற்ற இரண்டு கேமராக்களை கொண்டுள்ளது. மேலும், இந்த ஸ்மார்ட்போன் முன்புறத்தில் 32 மெகாபிக்சல் அளவிலான செல்பி கேமராவை கொண்டுள்ளது.

4G VoLTE, வை-பை, ப்ளூடூத், GPS, மைக்ரோ-USB, 3.5mm ஹெட்போன் ஜாக் போன்ற அம்சங்களை கொண்டுள்ளது. 

4,500mAh அளவிலான பேட்டரியை கொண்ட இந்த 'விவோ Z5' ஸ்மார்ட்போனிற்கு, 22.5W ஃப்ளாஷ் சார்ஜர் வழங்கப்பட்டுள்ளது. 159.53x75.23x8.13mm என்ற அளவுகளை கொண்ட இந்த ஸ்மார்ட்போனின் எடை 187 கிராம்கள்.