Apple இந்த மாத தொடக்கத்தில் தனது புதிய குறைந்த விலை லேப்டாப்பாக MacBook Neo-வை அறிமுகப்படுத்தியது. இந்த புதிய மாடலில் 13-இன்ச் Liquid Retina டிஸ்ப்ளே மற்றும் Apple A18 Pro சிப் இடம்பெற்றுள்ளது. ஆனால் Bloomberg-ன் பிரபல தொழில்நுட்ப பத்திரிகையாளர் Mark Gurman கூறியதன்படி, MacBook Neo-க்கு விரைவில் டச்ஸ்கிரீன் ஆதரவு கிடைக்கும் வாய்ப்பு மிகவும் குறைவு.

அவரின் தகவலின்படி, Apple நிறுவனம் Macs-க்கு டச்ஸ்கிரீன் சேர்க்க முடிவு செய்தால் அது முதலில் MacBook Pro மாடல்களில் தான் அறிமுகமாகும்; MacBook Neo-வில் அல்ல. மேலும், டச்ஸ்கிரீன் சேர்ப்பது உற்பத்தி செலவை அதிகரிக்கும் என்பதால் MacBook Neo-வின் விலையும் உயரக்கூடும். இந்த லேப்டாப்பில் Apple Magic Keyboard மற்றும் 36.5Wh பேட்டரி இடம்பெற்றுள்ளது.

குறைந்த விலை காரணமாக டச்ஸ்கிரீன் வர வாய்ப்பு இல்லை. தனது Power On நியூஸ்லெட்டரில், Mark Gurman புதிய MacBook Neo குறித்து தனது கருத்துகளை பகிர்ந்துள்ளார். அவர் இந்த லேப்டாப்பை “மிகச் சிறந்த சாதனம்” என பாராட்டியுள்ளார். குறிப்பாக அதன்:

கட்டமைப்பு (build quality)

டிஸ்ப்ளே, ட்ராக்பேட், செயல்திறன் போன்ற அம்சங்கள் அதன் விலை வரம்பில் இருக்கும் பிற சாதனங்களை விட சிறந்ததாக இருப்பதாக கூறியுள்ளார். ஆனால் இரண்டாம் தலைமுறை MacBook Neo-வில் டச்ஸ்கிரீன் சேர்க்கப்பட வாய்ப்பு இல்லை என்றும் அவர் குறிப்பிட்டுள்ளார். டச்ஸ்கிரீன் முதலில் MacBook Pro-வில் வரலாம். Apple நிறுவனம் Mac சாதனங்களுக்கு டச்ஸ்கிரீன் சேர்க்கும் திட்டம் இருந்தாலும், அது முதலில் MacBook Pro மாடல்களில் இந்த ஆண்டு இறுதிக்குள் வரலாம் என்று Gurman கூறுகிறார்.

அதனால், Apple நிறுவனத்தின் குறைந்த விலை Mac மாடலான MacBook Neo-வில் டச்ஸ்கிரீன் சேர்க்கப்படுவது பற்றி சந்தேகம் இருப்பதாக அவர் தெரிவித்துள்ளார். MacBook Air சிறந்த தேர்வாக இருக்கலாம், Apple நிறுவனம் மேலும் பல Mac மாடல்களுக்கு டச்ஸ்கிரீன் கொண்டு வர திட்டமிட்டால், அதற்கு MacBook Air தான் பொருத்தமான மாடல் என்று Gurman கூறுகிறார். மேலும், MacBook Air-க்கு iPhone போன்ற OLED டிஸ்ப்ளே வர குறைந்தபட்சம் இன்னும் இரண்டு ஆண்டுகள் ஆகும் என்றும் அவர் தெரிவித்துள்ளார்.

அடுத்த மூன்று ஆண்டுகளில் MacBook Neo-வில் டச்ஸ்கிரீன் வந்தால் அது ஆச்சரியமாக இருக்கும் என்றும் அவர் கூறினார்.

விலை குறைக்க வடிவமைப்பு மாற்றம் Gurman கூறியதன்படி, Apple நிறுவனம் MacBook Neo-வின் விலையை $599 (கல்வி பயனர்களுக்கு $499) வரை குறைக்க அதன் உள் கூறுகளை மறுபரிசீலனை செய்து வடிவமைத்துள்ளது. இதில் டச்ஸ்கிரீன் சேர்க்கப்பட்டால் உற்பத்தி செலவு அதிகரிக்கும்; அதனால் இந்த அம்சம் சேர்க்கப்பட வாய்ப்பு இன்னும் குறைகிறது.

MacBook Neo அம்சங்கள்

Apple அறிமுகப்படுத்திய MacBook Neo இந்தியாவில் ரூ. 69,900 முதல் விலையில் கிடைக்கிறது. அடிப்படை மாடல்: 8GB RAM, 256GB ஸ்டோரேஜ், 512GB ஸ்டோரேஜ் மாடல்: ரூ. 79,900. முக்கிய அம்சங்கள்: 13-இன்ச் Liquid Retina Display (219ppi pixel density), Apple Magic Keyboard, Touch ID (512GB மாடலில் மட்டும்), Apple A18 Pro சிப், 36.5Wh பேட்டரி. இந்த பேட்டரி ஒரே சார்ஜில் சுமார் 16 மணி நேரம் வீடியோ ஸ்ட்ரீமிங் செய்யும் என்று நிறுவனம் கூறுகிறது.