சாம்சங் கேலக்ஸி ஏ9 (2018) இந்தியாவில் இன்று அறிமுகமாகி உள்ளது.
சாம்சங் கேலக்ஸி ஏ9 (2018) அறிமுக விழா இன்று மதியம் 12 மணிக்கு நடைபெற்றது. இந்த ஸ்மார்ட்போன் குறித்த தகவலை அதன் நிறுவனம் மலேசியாவில் நடைபெற்ற நிகழ்ச்சி ஒன்றில் அக்டோபர் மாதம் வெளியிட்டது. சாம்சங் கேலக்ஸி ஏ9 (2018) நான்கு கேமிராக்களை பெற்றிருப்பதே அதன் தனிச்சிறப்பாகும்.
நான்கு கேமிராக்களுக்கும் தனிப்பட்ட சென்சார் மற்றும் மாறுபட்ட நான்கு படங்களை ஒரே சமயத்தில் போட்டோ எடுக்க முடியும். இந்த 4 கேமிராக்களும் ஒன்றன் கீழ் ஒன்றாக அமைந்துள்ளது. சாம்சங் கேலக்ஸி ஏ9 (2018) டால்பி அட்மாஸ் ஆடியோவினை சப்போர்ட் செய்கிறது. பிளாக், புளூ மற்றும் பிங்க் நிறங்களில் கேலக்ஸிஏ9 (2018) கிடைக்கிறது.
சாம்சங் கேலக்ஸி ஏ9(2018)னில் குவால்கம் ஸ்நாப்டிராகன் 660 SoC பெற்றுள்ளது. 128 ஜிபி உள்கட்ட கேமிப்பு திறனைக் கொண்டுள்ளது. எஸ்.டி கார்ட் மூலம் 512 ஜிபி வரை சேமிக்கலாம். 3800 mAh பேட்டரியைக் கொண்டுள்ளது. இதில் 6ஜிபி ரேம் மற்றும் 8ஜிபி ரேம் வேரியண்ட்கள் உள்ளன.
சாம்சங் கேலக்ஸி ஏ9(2018)னின் பின்புறம் 4 கேமிராக்கள் உள்ளன. பின்புறத்தில் பிங்கர் பிரிண்ட் சென்சார் உள்ளது. கேலக்ஸி ஏ9 (2018)னில் 6.3 இன்ச் ஹெச்.டி + டிஸ்பிளே 18.5:9 என்ற வீதத்தில் உள்ளது. ஆண்ட்ராய்டு 8.0 ஓரியோவினைக் கொண்டுள்ளது. டூயல் நானோ சிம் ஸ்லாட்டுகளைக் கொண்டுள்ளது.
சாம்சங் கேலக்ஸி ஏ9(2018)னை இன்று முதல் முன்பதிவு செய்யலாம். முன்பதிவினை சாம்சங்கின் ஆஃப்லைன் ஸ்டோர்கள், அமேசான் இந்தியா, ஏர்டெல் ஆன்லைன் ஸ்டோர்ஸ், பேடி எம் மால் மற்றும் பிளிப்கார்ட்டில் செய்யலாம். சாம்சங் கேலக்ஸி ஏ9 (2018) 6ஜிபி ரேம், 128 ஜிபி ஸ்டோரேஜ் வேரியண்டின் விலை ரூ. 36,990. 8ஜிபி ரேம், 128 ஜிபி ஸ்டோரேஜ் வேரியண்ட்டின் விலை ரூ. 39,990 ஆகும். ஹெச்.டி.எஃப்.சி-ன் கிரேடிட் கார்ட், டெபிட் கார்ட் பயன்பாட்டாளர்களுக்கு 3000 கேஷ் பேங் கொடுக்கப்படும் என்று சாம்சங் அறிவித்துள்ளது. சாம்சங் கேலக்ஸி ஏ9 (2018) நவம்.28 ஆம் தேதி மூலம் இந்தியாவில் கிடைக்கும்.
புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.