நத்திங் ஃபோன் 3a என்பது 2024 இன் ஃபோன் 2aக்கு அடுத்ததாகக் கூறப்படுகிறது
Photo Credit: Nothing
நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட கேட்ஜெட் எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். செல்போன் தாண்டி மற்ற தொழில்நுட்ப தகவல்களும் உங்களை வந்து சேரும். இப்போ நாம் பார்க்க இருப்பது Nothing Phone 3a செல்போன் பற்றி தான்.
மார்ச் 4 ஆம் தேதி நத்திங் போன் 3ஏ தொடர் அறிமுகப்படுத்த திட்டமிடப்பட்டுள்ளது. Nothing Phone 3a செல்போன் ஸ்னாப்ஷாட்களுக்கான கேமரா பட்டனுடன் வரும் என எதிர்பார்க்கப்படுகிறது. இந்நிகழ்வில் நத்திங் போன் 3 ஸ்மார்ட்போன் அறிமுகமாகும் என்று எதிர்பார்க்கப்பட்டது. பின்னர் பிளிப்கார்ட் வழியாக வெளியான டீசர் - நத்திங் போன் 3ஏ சீரீஸ் அறிமுகமாகும் என்பதை உறுதிப்படுத்தியது. நிகழ்வில் நத்திங் போன் 3ஏ சீரீஸின் கீழ் நத்திங் போன் 3ஏ (Nothing Phone 3a) மற்றும் நத்திங் போன் 3ஏ ப்ரோ (Nothing Phone 3a Pro) ஆகிய 2 மாடல்கள் அறிமுகமாகும் என்று எதிர்பார்க்கப்படுகிறது.
Nothing Phone 3a செல்போன் 6.8-இன்ச் முழு-HD+ AMOLED டிஸ்ப்ளேவைக் கொண்டிருக்கும். இது ஸ்னாப்டிராகன் 7s ஜெனரல் 3 சிப்செட்டுடன் பொருத்தப்பட்டதாகக் கூறப்படுகிறது. இது 12 ஜிபி வரை ரேம் மற்றும் 256 ஜிபி வரை மெமரி கோடனுள்ளது. இந்த போன் A059 என்ற மாடல் எண்ணைக் கொண்டிருப்பதாக தெரிவிக்கப்பட்டுள்ளது.
மேலும் 50 மெகாபிக்சல் பிரதான கேமரா, 2x ஆப்டிகல் ஜூம் கொண்ட 50 மெகாபிக்சல் டெலிஃபோட்டோ சென்சார் கேமரா மற்றும் 8 மெகாபிக்சல் அல்ட்ரா வைட் ஆங்கிள் சென்சார் கேமரா ஆகியவற்றை உள்ளடக்கிய டிரிபிள் ரியர் கேமரா யூனிட்டைக் கொண்டிருக்கலாம் என தெரிகிறது. செல்ஃபிகள் மற்றும் வீடியோ அழைப்புகளுக்கு 32 மெகாபிக்சல் முன்பக்க கேமராவை கொண்டுள்ளது.
45W சார்ஜிங் சப்போர்ட் உடன் 5,000mAh பேட்டரியைப் பெற வாய்ப்புள்ளது. இது NFC இணைப்பையும் சப்போர்ட் செய்யும். Nothing OS 3.1 சார்ந்த ஆண்ட்ராய்டு 15 (Android 15) இயங்குதள வசதியுடன் இந்த நத்திங் போன் 3ஏ போன் அறிமுகம் செய்யப்படும். ஆனாலும் இந்த போனுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைக்கும் என்று தெரிவிக்கப்பட்டுள்ளது. இன்-டிஸ்பிளே ஆப்டிகல் ஃபிங்கர்பிரிண்ட் ஸ்கேனர் வசதி இந்த போனில் உள்ளது.
இது ஐபோன் 16 மாடல்களில் உள்ள கேமரா கண்ட்ரோல் பொத்தானைப் போலவே கேமராவைச் செயல்படுத்தும் ஒரு விரைவான ஷட்டராக பட்டனை பெற்று இருக்கும் என்று ஊகிக்கப்படுகிறது. பொத்தானை ஒரு முறை அழுத்தினால் கேமரா செயல்படுத்தப்படலாம், அதே நேரத்தில் அதை மீண்டும் அழுத்தினால் புகைப்படம் எடுக்கப்படும். இது ஐபோனின் செயல் பொத்தானைப் போலவே உள்ளது, இது தொலைபேசியை அமைதியான பயன்முறையில் வைப்பது, ஒளிரும் விளக்கை இயக்குவது, ஃபோகஸ் பயன்முறையை மாற்றுவது மற்றும் கேமராவைத் திறப்பது போன்ற பல்வேறு செயல்பாடுகளைச் செய்ய அனுமதிக்கும்.
புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.
...மேலும்