Motorola Razr (2019) விற்பனை, மே 6-ஆம் தேதிக்கு ஒத்திவைப்பு
இந்தியாவில் கொரோனா வைரஸ் காரணமாக, மே 3 வரை ஊரடங்கு நீட்டிக்கப்பட்டுள்ளதால், Motorola Razr (2019) ஸ்மார்ட்போனின் முதல் விற்பனை மே 6-ஆம் தேதிக்கு ஒத்திவைக்கப்பட்டுள்ளது.
Motorola Razr (2019) இந்தியாவில் மார்ச் 16 அன்று அறிமுகப்படுத்தப்பட்டது. போனின் ஒரே 6 ஜிபி ரேம் மற்றும் 128 ஜிபி ஸ்டோரேஜ் வேரியண்டின் விலை ரூ.1,24,999 ஆகும்.
Motorola Razr (2019) 6.2 இன்ச் ஃப்ளெக்சிபில் OLED HD + டிஸ்பிளேவைக் கொண்டுள்ளது. போனின் மேல் கவரில், இரண்டாம் நிலை 2.7 இன்ச் குயிக் வியூ பேனலும் உள்ளது. இது போனை திறக்காமல் செல்பி எடுக்க, notifications-ஐக் காண மற்றும் music playback கட்டுப்படுத்த அனுமதிக்கிறது. இந்த போன், ஆண்ட்ராய்டு 9 பை-ல் இயங்கும். இது குவால்காம் ஸ்னாப்டிராகன் 710 SoC-யால் இயக்கப்படுகிறது.
போனில், 16 மெகாபிக்சல் முதன்மை கேமரா சென்சார் உள்ளது. போன் மடிந்த நிலையில் இருக்கும்போது செல்பி எடுக்க முதன்மை கேமரா அமைப்பைப் பயன்படுத்தலாம். போனில் தனி செல்பி கேமராவும் உள்ளது. இது பிரதான டிஸ்பிளேவுக்கு மேலே உள்ளது மற்றும் 5 மெகாபிக்சல் பட சென்சாரைக் கொண்டுள்ளது.
Motorola Razr (2019), 128 ஜிபி ஆன்போர்டு ஸ்டோரேஜைக் கொண்டுள்ளது. இதனை, மைக்ரோ எஸ்டி கார்டு வழியாக விரிவாக்க முடியாது. chin-ல் ஆப்டிகல் கைரேகை சென்சார் உள்ளது. இந்த போன் 2,800mAh பேட்டரியைக் கொண்டுள்ளது.
புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.