ஹோல்-பன்ச் திரையுடன் மற்றொரு ஸ்மார்ட்போன், 'மோட்டோரோலா P50' அறிமுகம்!

விளம்பரம்
Written by Gadgets 360 Staff மேம்படுத்தப்பட்டது: 5 ஜூலை 2019 16:17 IST
ஹைலைட்ஸ்
  • 'மோட்டோரோலா P50' ஹோல்-பன்ச் செல்பி கேமராவை கொண்டுள்ளது
  • இந்த ஸ்மார்ட்போன் இரண்டு பின்புற கேமராக்களை கொண்டுள்ளது
  • இந்த ஸ்மார்ட்போன் சீனாவில் ஜூலை 20 அன்று விற்பனைக்கு வரவுள்ளது

'மோட்டோரோலா P50' ஸ்மார்ட்போனிற்கான முன்பதிவு ஜூலை 15 அன்றே துவங்கவுள்ளது.

வியாழக்கிழமையன்று சீனாவில் இந்த 'மோட்டோரோலா P50' ஸ்மார்ட்போன் அறிமுகம் செய்யப்பட்டது. இந்த ஸ்மார்ட்போன் சீனாவில் ஜூலை 20 அன்று விற்பனையாகும் என அறிவிக்கப்பட்டுள்ளது. இந்தியாவில் சமீபத்தில் அறிமுகமாகி விற்பனைக்கு வந்த 'மோட்டோரோலா ஒன்விஷன்' ஸ்மார்ட்போனின் மாற்றியமைக்கப்பட்ட வெர்ஷன் போலவே சிறப்பம்சங்களை கொண்ட இந்த 'மோட்டோரோலா P50' ஸ்மார்ட்போன், சீன வெளியிட்டில் ஆண்ட்ராய்ட் ஒன் மற்றும் கூகுள் சேவைகள் இன்றி வெளியாகியுள்ளது. 

21:9 விகிதத்திலான திரை, 48 மெகாபிக்சல் முதன்மை கேமரா,சாம்சங் ஆக்டா-கோர் எக்சினோஸ் 9609 எஸ் ஓ சி ப்ராசஸர், 3,500mAh பேட்டரி, ஹோல்-பன்ச் திரையுடன் 25 மெகாபிக்சல் அளவிலான செல்பி கேமரா பொன்ற பல சிறப்பம்சங்களை இந்த ஸ்மார்ட்போன் கொண்டுள்ளது.

'மோட்டோரோலா P50': விலை!

6GB RAM மற்றும் 128GB சேமிப்பு அளவு என ஒரே வகையில் சீனாவில் வெளியாகியுள்ளது இந்த 'மோட்டோரோலா P50' ஸ்மார்ட்போன். இந்த ஸ்மார்ட்போனின் விலை 2,499 யுவான்கள் (25,000 ரூபாய்). வெண்கலம் (Bronze Gradient) மற்றும் சபையர் (Sapphire Gradient) என இரு வண்ணங்களில் இந்த ஸ்மார்ட்போன் கொண்டுள்ளது.

முன்பு குறிப்பிடப்ட்டது போல, இந்த ஸ்மார்ட்போன் சீனாவில் ஜூலை 20 அன்று விற்பனைக்கு வரவுள்ளது. இன்னிலை, இந்த ஸ்மார்ட்போனிற்கான முன்பதிவு ஜூலை 15 அன்றே துவங்கவுள்ளது. 

'மோட்டோரோலா P50': சிறப்பம்சங்கள்!

இரண்டு நானோ சிம் வசதி கொண்ட இந்த ஸ்மார்ட்போன், ஆண்ட்ராய்ட் 9 பை (Android 9 Pie) அமைப்பு கொண்டு செயல்படுகிறது. சாம்சங் ஆக்டா-கோர் எக்சினோஸ் 9609 எஸ் ஓ சி ப்ராசஸரை கொண்டுள்ள இந்த ஸ்மார்ட்போன் 2.2GHz வேகத்தில் செயல்படும்.

6.34 இன்ச் அளவிலான இதன் திரை FHD+ (1080x2520 பிக்சல்கள்) திரையாகவே அறிமுகமாகியுள்ளது. மேலும் 21:9 திரை விகிதம், கார்னிங் கொரில்லா கிளாஸ் பாதுகாப்பு என அட்டகாசமான திரை அம்சங்களை கொண்டுள்ளது. முக்கியமாக, இதன் திரை 'ஹோல்-பன்ச் டிஸ்ப்ளே' என்பது குறிப்பிடத்தக்கது. 

Advertisement

இரண்டு பின்புற கேமராக்கள் கொண்டுள்ளது இந்த 'மோட்டோரோலா P50', 48 மெகாபிக்சல் அளவிலான முதன்மை கேமரா, 5 மெகாபிக்சல் அளவிலான மற்றோரு கேமரா. செல்பிக்களுக்காக, இதன் முன்புறத்தில் 25 மெகாபிக்சல் கேமரா பொருத்தப்பட்டுள்ளது. 

3,500mAh பேட்டரி அளவுடன் வெளியாகியுள்ள இந்த ஸ்மார்ட்போன் அதிவேக சார்ஜ் வசதியையும் கொண்டுள்ளது. மேலும், இந்த ஸ்மார்ட்போன் 4G LTE, வை-பை, ப்ளூடூத் 5.0, பின்புற ஃபிங்கர் பிரிண்ட் சென்சார், டோல்பி ஆடியோ என மற்ற வசதிகளை கொண்டுள்ளது.

 
KEY SPECS
Display 6.34-inch
Processor octa-core
Front Camera 25-megapixel
Rear Camera 48-megapixel + 5-megapixel
RAM 4GB
Storage 128GB
Battery Capacity 3500mAh
OS Android 9 Pie
Resolution 1080x2520 pixels
 
NEWS

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

 ...மேலும்
        
Advertisement
Popular Brands
#சமீபத்திய செய்திகள்
  1. 7,000mAh பேட்டரி கொண்ட உலகின் முதல் போன்! Oppo F31 சீரிஸ் லீக் ஆகி ரசிகர்களுக்கு இன்ப அதிர்ச்சி!
  2. அவசர வேலைகளில் 'உதவாத' ஏர்டெல்! ஒரே வாரத்தில் இரண்டாவது முறை சேவை முடக்கம்
  3. மடக்கலாம், மிரட்டலாம்! Honor-ன் புது போன் சந்தையில் அறிமுகம்! விலை, சிறப்பம்சங்கள் இதோ!
  4. பெங்களூருவில் Apple-ன் புதிய கடை! செப்டம்பர் 2-ல் திறப்பு! என்ன ஸ்பெஷல்?
  5. இந்தியாவில் Pixel 10, Pixel 10 Pro, Pixel 10 Pro XL லான்ச்! ₹79,999-க்கு Google-ன் புது அஸ்திரம்
  6. கூகிளின் முதல் IP68 ஃபோல்டபிள் போன் லான்ச்! ₹1.72 லட்சத்தில் Pixel 10 Pro Fold
  7. Redmi 15 5G: ₹15,000-க்குள்ளே 7,000mAh பேட்டரி, 144Hz டிஸ்ப்ளே உடன் மாஸ் என்ட்ரி!
  8. Airtel-ன் அதிர்ச்சி அறிவிப்பு! ₹249 ரீசார்ஜ் திட்டம் நீக்கம்! இனி ₹50 அதிகம் செலவு செய்யணும்
  9. Honor X7c 5G லான்ச்! ₹14,999-க்கு 5G போன்! Snapdragon 4 Gen 2 SoC, 5,200mAh பேட்டரி
  10. Airtel-ஆல் வந்த ஜாக்பாட்! 6 மாதங்களுக்கு Apple Music இலவசம்! எப்படி ஆக்டிவேட் செய்வது
Download Our Apps
Available in Hindi
© Copyright Red Pixels Ventures Limited 2025. All rights reserved.