iQOO நிறுவனம் தனது புதிய iQOO Z11 ஸ்மார்ட்போனை சீனாவில் விரைவில் அறிமுகப்படுத்த உள்ளதாக டீஸ் செய்துள்ளதாக தகவல் வெளியாகியுள்ளது. இந்த போன் நிறுவனத்தின் சமீபத்திய 7வது ஆண்டு விழா நிகழ்ச்சியில் முன்னோட்டமாக காட்டப்பட்டதாக கூறப்படுகிறது. அப்போது நிறுவனத்தின் ஒரு மூத்த நிர்வாகி இந்த சாதனத்தின் முக்கிய அம்சங்களில் சிலவற்றை வெளியிட்டார். மேலும், iQOO Z11 சமீபத்தில் பல certification தளங்களில் தோன்றியுள்ளதால், அதன் அறிமுகம் விரைவில் நடைபெறும் என எதிர்பார்க்கப்படுகிறது. நிறுவனமே சில முக்கிய அம்சங்களை உறுதிப்படுத்தியுள்ள நிலையில், பிற விவரக்குறிப்புகள் leaks மற்றும் tipster தகவல்களாக வெளியாகியுள்ளன.

எதிர்பார்க்கப்படும் விவரக்குறிப்புகள் மற்றும் அம்சங்கள்

Gizmochina வெளியிட்ட தகவலின்படி, iQOO தயாரிப்பு மேலாளர் Xing Cheng நிறுவனம் நடத்திய 7வது ஆண்டு விழாவில் iQOO Z11 போனில் 165Hz gaming display மற்றும் 9,020mAh பெரிய பேட்டரி இருக்கும் என தெரிவித்துள்ளார். இந்த பேட்டரி, இதுவரை எந்த iQOO ஸ்மார்ட்போனிலும் பயன்படுத்தப்படாத அளவுக்கு பெரியதாக இருக்கும் என்று கூறப்படுகிறது.

மேலும், tipster Digital Chat Station Weibo பதிவில் கூறியதன்படி, இந்த ஸ்மார்ட்போனில், 6.83-இஞ்ச் flat display, 1.5K resolution, 165Hz வரை refresh rate ஆதரவு இருக்கலாம். இது gaming-ஐ மையமாகக் கொண்ட டிஸ்ப்ளே என நிறுவனத்தின் டீஸருடன் பொருந்துகிறது. 

பேட்டரி மற்றும் செயல்திறன் iQOO Z11: 9,020mAh பேட்டரி 90W wired fast charging ஆதரவு உடன் வரலாம் என்று கூறப்படுகிறது. இது உண்மையாக இருந்தால், இந்த ஆண்டின் தொடக்கத்தில் சீனாவில் அறிமுகமான iQOO Z11 Turbo மாடலில் உள்ள 7,600mAh பேட்டரியை விட அதிகமானது ஆகும். RAM, ஸ்டோரேஜ் மற்றும் அறிமுகம்

இந்த ஸ்மார்ட்போன்: 16GB RAM, 512GB internal storage கொண்ட மாடலாகவும் வரக்கூடும் என தகவல்கள் தெரிவிக்கின்றன. iQOO Z11 இந்த மாத இறுதியில் சீனாவில் அறிமுகமாகும் என எதிர்பார்க்கப்படுகிறது. இருப்பினும், நிறுவனம் இன்னும் அதிகாரப்பூர்வ launch தேதியை அறிவிக்கவில்லை.

எதிர்பார்க்கப்படும் விலை

iQOO நிறுவனத்தின் மூத்த நிர்வாகி இந்த போனின் விலை வரம்பையும் டீஸ் செய்துள்ளார். சீனாவில் iQOO Z11 விலை, CNY 2,000 (சுமார் ₹26,700), CNY 3,000 (சுமார் ₹40,100) இடையே இருக்கலாம் என கூறப்படுகிறது. ஒப்பிடுகையில், iQOO Z11 Turbo சீனாவில்: 12GB + 256GB – CNY 2,699 (சுமார் ₹35,999), 16GB + 1TB – CNY 3,999 (சுமார் ₹52,000) விலையில் கிடைக்கிறது.