இந்தியாவில் இன்று விற்பனைக்கு வரவுள்ள 'ஹானர் 20i': விலை, சிறப்பம்சங்கள் உள்ளே!

'ஹானர் 20i' ஸ்மார்ட்போன் முதன் முறையாக இன்று இந்தியாவில் விற்பனைக்கு வரவுள்ளது. ஜூன் 18-ஆம் தேதியான இன்று மதியம் 12 மணிக்கு ஃப்ளிப்கார்ட் தளத்தில் விற்பனைக்கு வரவுள்ள ஹானர் 20 தொடரின் இந்த ஸ்மார்ட்போன், இந்தியாவில் சென்று வாரம் அறிமுகப்படுத்தப்பட்டது. 6.21-இன்ச் FHD+ திரை, மூன்று பின்புற கேமராக்கள், 3400mAh பேட்டரி ஆகிய சிறப்பம்சங்களை கொண்டுள்ளது. மேலும் இந்த ஸ்மார்ட்போனுடன், ஹானர் 20 தொடரின் மற்ற ஸ்மார்ட்போன்களான ஹானர் 20 மற்றும் ஹானர் 20 Pro ஆகிய ஸ்மார்ட்போன்களும் கடந்த வாரம் இந்தியாவில் அறிமுகப்படுத்தப்பட்டது என்பது குறிப்பிடத்தக்கது.
 
ஹானர் 20i: விலை!

ஹானர் 20i' ஸ்மார்ட்போன், இந்தியாவில் இன்று விற்பனையாகவுள்ளது. 4GB RAM மற்றும் 128GB செமிப்பு அளவு என ஒரே வகையில் அறிமுகப்படுத்தப்பட்ட இந்த ஸ்மார்ட்போன், இந்தியாவில் 14,990 ரூபாய் என்ற விலையில் விற்பனையாகவுள்ளது. ஃப்ளிப்கார்ட் நிறுவனத்தில் விற்பனையாகவுள்ள இந்த ஸ்மார்ட்போன், நீலம் (Phantom Blue) மற்றும் கருப்பு (Midnight Black) என இரு வண்ணங்கள் கொண்டு வெளியாகிறது இந்த ஸ்மார்ட்போன்.

இந்த ஸ்மார்ட்போன் ஜூன் 18-ஆம் தேதியான இன்று மதியம் 12 மணிக்கு ஃப்ளிப்கார்ட் தளத்தில் விற்பனையாகவுள்ளது. 

ஹானர் 20i: சிறப்பம்சங்கள்!

இந்த ஹானர் 20i ஸ்மார்ட்போன் 6.21-இன்ச் FHD+ திரை அளவு, 1080x2340 பிக்சல்கள், 19.5:9 திரை விகிதம் ஆகிய திரை அம்சங்களை கொண்டுள்ளது. மேலும் ஆண்ட்ராய்ட் 9 பை அமைப்பில் செயல்படும் இந்த ஸ்மார்ட்போனில், ஆக்டா-கோர் கிரின் 710F எஸ் ஓ சி ப்ராசஸர் பொருத்தப்பட்டுள்ளது. 

மூன்று பின்புற கேமராக்களை கொண்டுள்ளது இந்த ஸ்மார்ட்போன். முதன்மையாக 24 மெகாபிக்சல் கேமராவுடன்  8 மெகாபிக்சல் வைட்-ஆங்கிள் கேமரா மற்றும் 2 மெகாபிக்சல் அளவிலான மூன்று கேமராக்களை கொண்டுள்ளது. மேலும் இந்த ஸ்மார்ட்போன், முன்புறத்தில் 32 மெகாபிக்சல் செல்பி கேமராவை கொண்டுள்ளது.

இந்த ஸ்மார்ட்போன் 3400mAh  அளவிலான பேட்டரியை கொண்டு வெளியாகியுள்ளது. மேலும், இந்த ஸ்மார்ட்போன் 4G வசதி மற்றும் ப்ளூடூத் v4.2, வை-பை வசதிகளை கொண்டுள்ளது.