மார்க்கெட்டில் ஆட்டம் காட்ட வருது அம்சமான செல்போன் Moto G15

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். இப்போ நாம் பார்க்க இருப்பது Moto G15 செல்போன் பற்றி தான்.

Moto G15 ஆனது 6.72-இன்ச் டிஸ்ப்ளேவைக் கொண்டிருக்கும். MediaTek Helio G81 எக்ஸ்ட்ரீம் சிப்செட்டில் இயங்கக்கூடியது. இது இரட்டை பின்புற கேமராக்கள் மற்றும் 5,200mAh பேட்டரியைக் கொண்டிருக்கும். Moto G15 கடந்த ஆண்டு வெளியான Moto G14 செல்போனுக்கு அடுத்ததாக அறிமுகமாகும் என தெரிகிறது.

Moto G15 அம்சங்கள்

Moto G15 6.72-இன்ச் முழு-எச்டி+ஐபிஎஸ் எல்சிடி டிஸ்ப்ளேவை கொண்டிருக்கும். இது 60ஹெர்ட்ஸ் புதுப்பிப்பு வீதம், 391பிபிஐ பிக்சல் அடர்த்தி, 86.71 சதவீதம் ஸ்கிரீன்-டு-பாடி ரேஷியோவில் வரும். 1,080x2,400 பிக்சல்கள் மற்றும் 20:9 டிஸ்பிளே அளவாக கொண்டுள்ளது. இது HDR10 சப்போர்ட் செய்யும். கார்னிங் கொரில்லா கிளாஸ் 3 பாதுகாப்பைக் கொண்டுள்ளது.

Moto G15, MediaTek Helio G81 Extreme சிப்செட்டில் Mali-G52 MC2 GPU உடன் இயங்கும். சிப்செட் 8GB LPDDR4x ரேம் மற்றும் 256GB இன்டெர்னல் ஸ்டோரேஜுடன் இணைக்கப்படலாம். டூயல் சிம் போன் ஆண்ட்ராய்டு 15 மூலம் இயங்கும் என்று கூறப்படுகிறது.

கேமரா பொறுத்தவரையில் Moto G15 ஆனது f/1.8 துளை கொண்ட 50 மெகாபிக்சல் முதன்மை சென்சார் கேமரா மற்றும் f/2.4 துளை கொண்ட 5 மெகாபிக்சல் இரண்டாம் நிலை சென்சார் கேமரா ஆகியவற்றை உள்ளடக்கிய இரட்டை பின்புற கேமரா யூனிட் கொண்டதாக இருக்கும். முன்பக்கத்தில், 8 மெகாபிக்சல் கேமரா இருக்கலாம்.
மோட்டோ ஜி 15 இல் உள்ள இணைப்பு விருப்பங்களில் டூயல்-பேண்ட் வைஃபை, புளூடூத் 5.4, யுஎஸ்பி டைப்-சி போர்ட், 3.5 மிமீ ஆடியோ ஜாக் மற்றும் என்எப்சி ஆகியவை அடங்கும். முடுக்கமானி, சுற்றுப்புற ஒளி சென்சார், கைரோஸ்கோப் மற்றும் ப்ராக்ஸிமிட்டி சென்சார் ஆகியவை அடங்கும். பாதுகாப்புக்காக உள்ளே பொருத்தப்பட்ட கைரேகை சென்சார் இருக்கிறது. டால்பி அட்மாஸ் சப்போர்ட் உடன் ஸ்டீரியோ ஸ்பீக்கர்கள் இதில் உள்ளது.

Moto G15 லெதர் பினிஷ் மற்றும் ஸ்பிளாஸ் எதிர்ப்பிற்கான IIP54 மதிப்பீட்டைக் கொண்டிருக்கும் என்று எதிர்பார்க்கப்படுகிறது. இது 18W ஃபாஸ்ட் சார்ஜிங் சப்போர்ட் உடன் 5,200mAh பேட்டரியைக் கொண்டிருக்கும். 190 கிராம் எடையுடன் இருக்கும். அனைத்து சிறப்பான அம்சங்களுடன் இந்த போன் ரூ.15,000 பட்ஜெட்டில் அறிமுகமாகும் என்று கூறப்படுகிறது. இந்த போனுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைக்கும்.