ஷாவ்மி எம்ஐ டிஸ்பிளே 1 ஏ, 60Hz புதுப்பிப்பு வீதத்தை வழங்குகிறது
ஷாவ்மி தனது எம்ஐ டிஸ்பிளே 1 ஏ மானிட்டரை சீனாவில் அறிமுகப்படுத்தியுள்ளது. இந்த மானிட்டரில் 23.8 இன்ச் ஐபிஎஸ் டிஸ்பிளே உள்ளது, 178 டிகிரி கோணங்களைக் கொண்டுள்ளது. அதே நேரத்தில், இந்த புதிய டிஸ்பிளே 60Hz புதுப்பிப்பு வீதத்தையும் ஆதரிக்கிறது. இது ஒரு தட்டையான ஸ்டேண்டைக் கொண்டுள்ளது.
இது தவிர, மிஜியா ஸ்மார்ட் சாக்கெட் 27W ஃபாஸ்ட் சார்ஜ் பதிப்பும் இதனுடன் அறிமுகப்படுத்தப்பட்டுள்ளது. இது மூன்று யூ.எஸ்.பி-ஏ போர்ட்கள் மற்றும் ஸ்மார்ட் அம்சங்களுடன் வருகிறது.
சீனாவில் எம்ஐ டிஸ்பிளே 1 ஏ மானிட்டரின் விலை சிஎன்ஒய் 699 (இந்திய மதிப்பில் சுமார் ரூ .7,500) ஆகும். இந்த புதிய மானிட்ட ர் ஒற்றை கருப்பு கலர் ஆப்ஷனில் மட்டுமே கிடைக்கிறது.
இந்த மானிட்டரில், 178 டிகிரி கோணங்கள் மற்றும் 16: 9 விகிதத்துடன் 23.8 அங்குல முழு எச்டி (1,080x1,920 பிக்சல்கள்) தெளிவுத்திறன் டிஸ்பிளேவைப் பெறுவீர்கள்.
புதிய எம்ஐ டிஸ்பிளேவில், மூன்று பக்கங்களிலும் மெல்லிய பெசல்கள் உள்ளன. அதே நேரத்தில் மானிட்டரின் கீழ் பெசல்கள் மற்றவற்றை விடப் அகலமானது. இந்த டிஸ்பிளே 60Hz என மதிப்பிடப்பட்டுள்ளது. மேலும், இது மிகக் குறைந்த அளவிலான தீங்கு விளைவிக்கும் நீல ஒளியைக் கொண்டுள்ளது என்று நிறுவனம் கூறுகிறது. ஷாவ்மி, டிஸ்பிளேவிற்கு மூன்று வருட உத்தரவாதத்தை வழங்குகிறது.
ஷாவ்மி, 27W வாட் ஃபாஸ்ட் சார்ஜ் மிஜியா ஸ்மார்ட் சாக்கெட்டையும் அறிமுகப்படுத்தியுள்ளது. சீனாவில் இதன் விலை சிஎன்ஒய் 69 (இந்திய மதிப்பில் சுமார் ரூ.750) ஆகும். இது சீனாவில் crowdfunding கிடைக்கிறது. பின்னர் அதன் விலை சிஎன்ஒய் 79 (இந்திய மதிப்பில் சுமார் ரூ.850) வரை செல்லும். இந்த சாக்கெட் ஒற்றை வெள்ளை கலர் ஆப்ஷனுடன் பட்டியலிடப்பட்டுள்ளது.
இந்த ஸ்மார்ட் சாக்கெட்டில், நீங்கள் மூன்று யூ.எஸ்.பி-ஏ போர்ட்கள், மூன்று ஸ்டாண்டர்ட் சார்ஜிங் சாக்கெட்டுகள் மற்றும் ஸ்மார்ட் சார்ஜிங் சிப் ஆகியவற்றைப் பெறுவீர்கள். இது தவிர, இந்த சாக்கெட்டில் ஆட்டோ கட்-ஆஃப், ஆட்டோ சுவிட்ச் ஆஃப் போன்ற பல ஸ்மார்ட் அம்சங்களும் கட்டமைக்கப்பட்டுள்ளன.
புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.