இந்த போன் சார்ஜ் போட்டா போதும்... மூணு நாள் வரும்! Oppo Find X9 Pro-வின் மிரட்டல் அம்சங்கள்!

விளம்பரம்
Written by Gadgets 360 Staff மேம்படுத்தப்பட்டது: 31 ஜூலை 2025 09:54 IST
ஹைலைட்ஸ்
  • Oppo Find X9 Pro, 7,500mAh கொண்ட மிகப்பெரிய பேட்டரியுடன் 50W வயர்லெஸ் சார
  • MediaTek Dimensity 9500 SoC ப்ராசஸர் மூலம் இயக்கப்படும்
  • 6.78-இன்ச் 1.5K LTPO ஃபிளாட் டிஸ்ப்ளேவுடன் மெலிதான பெசல்களைக் கொண்டிருக்க

ஒப்போ X9 ப்ரோ, ஒப்போ ஃபைண்ட் X8 ப்ரோவை விட மெல்லிய பெசல்களைப் பெறக்கூடும் (படம்)

Photo Credit: Oppo

ஸ்மார்ட்போன் உலகத்துல இப்போ ஒரு பரபரப்பான தகவல் வேகமா பரவிக்கிட்டு இருக்கு. என்னன்னா, Oppo-வோட அடுத்த தலைமுறை ஃபிளாக்‌ஷிப் போனா எதிர்பார்க்கப்படுற Oppo Find X9 Pro, அதிரடியான பேட்டரி மற்றும் சக்திவாய்ந்த ப்ராசஸரோட வரப்போகுதுன்னு லீக் ஆகி இருக்கு. அதாவது, இந்த போன் பத்தின சில தகவல்களை டிப்ஸ்டர் 'டிஜிட்டல் சாட் ஸ்டேஷன்' (Digital Chat Station) அப்படின்னு ஒருத்தர் சைனாவுல இருக்க மைக்ரோ பிளாகிங் தளமான Weibo-வுல வெளியிட்டுருக்காரு. அதைப் பத்திதான் நாம இப்போ டீடைலா பார்க்க போறோம். பொதுவா, Oppo Find X சீரிஸ் போன்கள் எப்பவுமே புதுமையான அம்சங்களுக்கும், பிரீமியம் அனுபவத்துக்கும் பெயர் போனது. அந்த வரிசையில, இந்த Find X9 Pro என்னென்னலாம் கொண்டு வரப்போகுதுன்னு பார்க்கலாம்.

முதல்ல எல்லாரையும் ஆச்சரியப்படுத்துற விஷயம் பேட்டரிதான்! இந்த போன்ல ஒரு பெரிய 7,500mAh பேட்டரி இருக்கிறதா சொல்லப்படுது. இது உண்மையிலேயே ஒரு பெரிய அப்கிரேடுன்னு சொல்லலாம், ஏன்னா, இதுக்கு முன்னாடி வந்த Oppo Find X8 Pro மாடல்ல 5,910mAh பேட்டரிதான் இருந்துச்சு. 7,500mAh பேட்டரினா, ஒருமுறை சார்ஜ் பண்ணா போதும், நாள் முழுக்க கவலையில்லாம போனை யூஸ் பண்ணலாம். அதுமட்டுமில்லாம, 50W வயர்லெஸ் சார்ஜிங் வசதியும் இதுல இருக்குமாம். அப்புறம், Wired சார்ஜிங் எவ்வளவு வேகமா இருக்கும்னு இன்னும் தகவல் வரலைனாலும், 120W ஃபாஸ்ட் சார்ஜிங் சப்போர்ட் இருக்கலாம்னு சில தகவல்கள் சொல்றாங்க. அடேங்கப்பா! இவ்வளவு பெரிய பேட்டரிக்கு, இந்த ஃபாஸ்ட் சார்ஜிங் வசதி ரொம்பவே உதவியா இருக்கும்.

அடுத்ததா, இந்த போனுக்கு சக்தி கொடுக்கப்போற ப்ராசஸர் என்னன்னு பார்த்தா, MediaTek Dimensity 9500 SoC இருக்குமாம். இந்த ப்ராசஸர் இன்னும் அதிகாரப்பூர்வமா வெளியாகலைனாலும், இது ஒரு ஃபிளாக்‌ஷிப் லெவல் பெர்ஃபார்மென்ஸை கொடுக்கும்னு எதிர்பார்க்கப்படுது. கேம்கள் விளையாடுறதுல இருந்து, மல்டி டாஸ்கிங் பண்றது வரைக்கும், எந்த ஒரு வேலையையும் தங்கு தடையில்லாம இந்த ப்ராசஸர் கவனிச்சுக்கும்னு சொல்லலாம்.

டிஸ்ப்ளே பத்தி பேசினா, Oppo Find X9 Pro-ல 6.78 இன்ச் அளவுள்ள 2.5D LTPO ஃபிளாட் டிஸ்ப்ளே இருக்குமாம். இது 1.5K ரெசல்யூஷனோட வரும்னு சொல்றாங்க. முக்கியமா, LIPO (Low-Injection Pressure Over-Moulding) தொழில்நுட்பம் இதுல யூஸ் பண்ணப்படுறதால, டிஸ்ப்ளேவோட சுத்தி இருக்கிற பெசல்கள் ரொம்பவே மெலிசா இருக்குமாம். இது போன் பார்க்கவே ஒரு பிரீமியம் லுக்கைக் கொடுக்கும். கூடவே, முந்தைய மாடல்கள்ல இருந்த வளைந்த டிசைனிலிருந்து மாறி, இதுல ஃபிளாட் டிஸ்ப்ளே வரலாம்னு சொல்லப்படுது. இது பல பேருக்கு ஒரு நல்ல செய்தியா இருக்கும்.

கேமரா விஷயத்துல, 200MP பெரிஸ்கோப் டெலிஃபோட்டோ லென்ஸ் ஒன்னு இதுல இருக்கலாம்னு லீக் ஆகி இருக்கு. இது சாம்சங் HP5 சென்சாரை யூஸ் பண்ணும்னு சொல்றாங்க. இதுக்கு முன்னாடி இருந்த டூயல் டெலிஃபோட்டோ செட்டப்பிலிருந்து மாறி, இந்த பெரிய மெகாபிக்சல் கொண்ட ஒரே லென்ஸ் வருவது ஒரு புதுமைதான். இது தவிர, 50MP மெயின் கேமரா மற்றும் 50MP அல்ட்ராவைட் கேமராவுடன் ஒரு ட்ரிபிள் கேமரா செட்டப் இருக்கலாம். முன்புறத்துல 50MP செல்ஃபி கேமராவும் எதிர்பார்க்கப்படுது.

இவை தவிர, இந்த போன் IP68/IP69 ரேட்டிங்கோட வரலாம்னு சொல்றாங்க, அதாவது, தண்ணீரிலிருந்தும் தூசியிலிருந்தும் இதுக்கு நல்ல பாதுகாப்பு இருக்கும். அண்டர்-டிஸ்ப்ளே கைரேகை சென்சாரும் இதுல இருக்கும்னு எதிர்பார்க்கப்படுது. Oppo Find X8 Pro போன வருஷம் அக்டோபர் மாசம் சைனால வெளியானது. அதோட அடுத்த மாடலா இந்த Find X9 Pro வரப்போகுது. சரியான வெளியீட்டு தேதி இன்னும் அறிவிக்கப்படலைனாலும், அக்டோபர் மாசம் இதோட வெளியீடு இருக்கலாம்னு எதிர்பார்க்கப்படுது. ஒட்டுமொத்தமா, பெரிய பேட்டரி, சக்திவாய்ந்த ப்ராசஸர், அட்டகாசமான டிஸ்ப்ளே, அட்வான்ஸ்டு கேமரான்னு பல சிறப்பம்சங்களோட இந்த Oppo Find X9 Pro இந்திய மார்க்கெட்ல ஒரு பெரிய மாற்றத்தை கொண்டு வரும்னு எதிர்பார்க்கப்படுது.

 

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

மேலும் படிக்க: Oppo Find X9 Pro, Oppo Find X9 Pro Specifications, Oppo Find X8 Pro
 ...மேலும்
        
Advertisement
Popular Brands
#சமீபத்திய செய்திகள்
  1. 7,000mAh பேட்டரி கொண்ட உலகின் முதல் போன்! Oppo F31 சீரிஸ் லீக் ஆகி ரசிகர்களுக்கு இன்ப அதிர்ச்சி!
  2. அவசர வேலைகளில் 'உதவாத' ஏர்டெல்! ஒரே வாரத்தில் இரண்டாவது முறை சேவை முடக்கம்
  3. மடக்கலாம், மிரட்டலாம்! Honor-ன் புது போன் சந்தையில் அறிமுகம்! விலை, சிறப்பம்சங்கள் இதோ!
  4. பெங்களூருவில் Apple-ன் புதிய கடை! செப்டம்பர் 2-ல் திறப்பு! என்ன ஸ்பெஷல்?
  5. இந்தியாவில் Pixel 10, Pixel 10 Pro, Pixel 10 Pro XL லான்ச்! ₹79,999-க்கு Google-ன் புது அஸ்திரம்
  6. கூகிளின் முதல் IP68 ஃபோல்டபிள் போன் லான்ச்! ₹1.72 லட்சத்தில் Pixel 10 Pro Fold
  7. Redmi 15 5G: ₹15,000-க்குள்ளே 7,000mAh பேட்டரி, 144Hz டிஸ்ப்ளே உடன் மாஸ் என்ட்ரி!
  8. Airtel-ன் அதிர்ச்சி அறிவிப்பு! ₹249 ரீசார்ஜ் திட்டம் நீக்கம்! இனி ₹50 அதிகம் செலவு செய்யணும்
  9. Honor X7c 5G லான்ச்! ₹14,999-க்கு 5G போன்! Snapdragon 4 Gen 2 SoC, 5,200mAh பேட்டரி
  10. Airtel-ஆல் வந்த ஜாக்பாட்! 6 மாதங்களுக்கு Apple Music இலவசம்! எப்படி ஆக்டிவேட் செய்வது
Download Our Apps
Available in Hindi
© Copyright Red Pixels Ventures Limited 2025. All rights reserved.