அமெரிக்க தொழில்நுட்ப நிறுவனமான Apple தனது முதல் foldable ஸ்மார்ட்போனை 2026ஆம் ஆண்டு அறிமுகப்படுத்தலாம் என தகவல்கள் வெளியாகியுள்ளன. இது iPhone 18 Pro மாடல்களுடன் சேர்த்து வெளியிடப்படலாம் என்று கூறப்படுகிறது. இந்த foldable போன் பொதுவாக iPhone Fold என அழைக்கப்படுகிறது.

iPad போல செயல்படும் புதிய UI

Bloomberg-இன் தொழில்நுட்ப செய்தியாளர் Mark Gurman தெரிவித்ததாவது, iPhone Fold திறந்தபோது Apple iPad போன்ற பயனர் இடைமுகம் (UI) வழங்கப்படும். பெரிய foldable திரையின் உதவியால், பயனர்கள் ஒரே நேரத்தில் இரண்டு apps-ஐ பக்கபக்கமாக இயக்கும் split-screen multitasking வசதி கிடைக்கும். தற்போது உள்ள iPhone மாடல்களில், முக்கிய திரையில் இரண்டு apps-ஐ ஒரே நேரத்தில் இயக்க முடியாது; வீடியோ அல்லது அழைப்புகளுக்கான picture-in-picture போன்ற வரையறுக்கப்பட்ட வசதிகள் மட்டுமே உள்ளன.

மேலும், திரையின் இடது பக்கத்தில் app sidebars காணப்படும் என்று கூறப்படுகிறது. இது பல iPad apps-ல் இருக்கும் வடிவமைப்பைப் போன்றதாக இருக்கும். Apple, developers தங்கள் apps-ஐ இந்த பெரிய foldable UI-க்கு ஏற்ப மாற்றுவதற்கான கருவிகளையும் தயாரித்து வருவதாக தகவல் வெளியாகியுள்ளது.

iPhone மற்றும் iPad mini கலந்த வடிவமைப்பு

வடிவமைப்பில், இந்த foldable போன் iPad mini மற்றும் iPhone ஆகியவற்றின் கலவையாக இருக்கும் என்று கூறப்படுகிறது. மடக்கப்பட்ட நிலையில் இது சாதாரண iPhone போல இருக்கும். ஆனால் திறந்தபோது, திரையின் அளவு iPad mini-க்கு நெருக்கமாக இருக்கும். வெளிப்புற திரை: சுமார் 5.5-இன்ச், உள்ளமை திரை: சுமார் 7.8-இன்ச். மேலும், இது 4:3 aspect ratio உடன் அகலமான வடிவமைப்பை கொண்டிருக்கலாம். இது Google Pixel Fold-க்கு ஒத்த அளவாக இருக்கலாம். ஒப்பிடும்போது, வதந்தியாக உள்ள Samsung Wide Fold மாடலில் 5.35-இன்ச் உள்ளமை திரை, 7.58-இன்ச் வெளிப்புற திரை இருக்கும் என கூறப்படுகிறது.

சாத்தியமான விவரக்குறிப்புகள்

விவரக்குறிப்புகளின் படி, iPhone Fold-ல்: Dual rear cameras, Dual front cameras, Apple A20 Pro (2nm தொழில்நுட்பத்தில் உருவான chipset) Apple உருவாக்கிய C2 modem, Power button-ல் Touch ID போன்ற அம்சங்கள் இடம்பெறலாம்.