எதிர்பார்ப்பை எகிற விடும் Infinix Zero 40 வந்தாச்சு!

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். மொபைல் போன்களை தாண்டியும் மற்ற கேட்ஜெட்களை பற்றியும் தெரிந்து கொள்ளலாம். இப்போ நாம் பார்க்க இருப்பது Infinix Zero 40 செல்போன் சீரியஸ் பற்றி தான்.

Infinix Zero 40 5G மற்றும் Infinix Zero 40 4G 108-மெகாபிக்சல் பிரதான கேமரா, 50-மெகாபிக்சல் முன்பக்க கேமராவுடன் வருகிறது. கார்னிங் கொரில்லா கிளாஸ் பாதுகாப்புடன் 6.74-இன்ச் வளைந்த AMOLED டிஸ்ப்ளே ஆகியவற்றைக் கொண்டுள்ளன. ஆண்ட்ராய்டு 16 வரை OS அப்டேட் மற்றும் மூன்று வருட பாதுகாப்பு அப்டேட் கிடைக்கிறது.

Infinix Zero 40 5G, Infinix Zero 40 4G விலை

Infinix Zero 40 5G விலை தோராயமாக ரூ. 33,500 இருக்கும் என எதிர்பார்க்கப்படுகிறது. அதே நேரத்தில் 4G மாடல் தோராயமாக ரூ. 24,200 விலையில் கிடைக்கும்.

இப்போது மலேசியாவில் அறிமுகப்படுத்தப்பட்டுள்ளது. அங்கு Infinix Zero 40 5G தோராயமாக ரூ. 33,000 விலையில் கிடைக்கிறது. அதே நேரத்தில் 4G மாடல் தோராயமாக ரூ. 23,300 விலையில் தொடங்குகிறது .

Infinix Zero 40 5G மாடல் மூவிங் டைட்டானியம், ராக் பிளாக் மற்றும் வயலட் கார்டன் வண்ணங்களில் கிடைக்கிறது. மறுபுறம் 4G மாடல் ப்ளாசம் க்ளோ, மிஸ்டி அக்வா மற்றும் ராக் பிளாக் வண்ணங்களில் வழங்கப்படுகிறது. Infinix Zero 40 சீரியஸ் செல்போனை இந்தியாவில் அறிமுகப்படுத்தும் திட்டத்தை நிறுவனம் இன்னும் அறிவிக்கவில்லை.

Infinix Zero 40 5G, Infinix Zero 40 4G அம்சங்கள்

Infinix Zero 40 செல்போன் 6.78-இன்ச் 3D வளைந்த AMOLED டிஸ்ப்ளேவை கொண்டுள்ளது. இது 144Hz வரை புதுப்பிப்பு வீதம், 1,300nits வரை உச்ச பிரகாசத்தை தருகிறது. Corning Gorilla Glass பாதுகாப்பு மற்றும் TÜV Rheinland Eye-care Mode சான்றிதழ் பெற்றுள்ளது.

Infinix Zero 40 சீரியஸ் 5G மாடல் MediaTek Dimensity 8200 SoC சிப்செட் மூலம் இயக்கப்படுகிறது. அதே நேரத்தில் 4G மாடல் MediaTek Helio G100 சிப்செட்டைக் கொண்டுள்ளது. இது 24ஜிபி வரையிலான டைனமிக் ரேம் வசதியுடனும், 512ஜிபி மெமரியுடன் வரும் என எதிர்பார்க்கப்படுகிறது. இரண்டு மாடல்களும் ஆண்ட்ராய்டு 14 அடிப்படையிலான Infinix UI மூலம் இயங்குகின்றன.

கேமராவை பொறுத்தவரையில் இன்பினிக்ஸ் ஜீரோ 40 சீரிஸ் 108 மெகாபிக்சல் முதன்மை பின்புற கேமராக்களுடன் 50 மெகாபிக்சல் அல்ட்ரா-வைட் ஷூட்டர்கள் மற்றும் 50 மெகாபிக்சல் செல்ஃபி சென்சார் கேமராவை கொண்டுள்ளது. பிரத்யேக Vlog பயன்முறை உள்ளது. இது பயனர்களுக்கு யூடியூப் வீடியோ எடுக்க உதவும்.

Infinix Zero 5G மற்றும் 4G வகைகளில் GoPro பயன்முறை உள்ளது. மேலும் பயனர்கள் எந்த GoPro சாதனத்தையும் கைபேசிகளுடன் இணைக்க அனுமதிக்கிறது. பயனர்கள் இணைக்கப்பட்ட GoPro சாதனத்தை இணைக்கப்பட்ட Infinix Zero 40 ஸ்மார்ட்போனிலிருந்து நேரடியாக கட்டுப்படுத்தலாம். காட்சிகளைத் திரையிட மானிட்டராக ஃபோனின் காட்சியைப் பயன்படுத்தலாம்.

Infinix Zero 40 செல்போன் மாடல் 5,000mAh பேட்டரியுடன் வருகிறது. 45W வயர்டு ஃபாஸ்ட் சார்ஜிங் சப்போர்ட் செய்யும். அதே வேளையில் 5G மாடல் 20W வயர்லெஸ் ஃபாஸ்ட் சார்ஜிங்கை சப்போர்ட் செய்கிறது. இந்த செல்போன்கள் NFC இணைப்பு மற்றும் கூகுளின் ஜெமினி AI சப்போர்ட்டும் வழங்குகிறது என நிறுவனம் தெரிவித்துள்ளது.