இன்பினிக்ஸ் நோட் 60 ப்ரோ தொகுப்பு: இந்தியாவில் அறிமுக தேதி, எதிர்பார்க்கப்படும் விலை மற்றும் சிறப்பம்சங்கள்

சீன ஸ்மார்ட்போன் தயாரிப்பு நிறுவனமான Infinix, தனது Infinix Note 60 Pro மாடலை இந்த மாதத்தின் மூன்றாவது வாரத்தில் இந்தியாவில் அறிமுகம் செய்ய உள்ளதாக வியாழக்கிழமை அறிவித்துள்ளது. இந்த கைபேசி இந்தியாவில் ஒரு முக்கிய இ-காமர்ஸ் தளம் மற்றும் நிறுவனத்தின் ஆன்லைன் ஸ்டோர் வழியாக விற்பனைக்கு வருவது உறுதி செய்யப்பட்டுள்ளது. இதன் முக்கிய சிறப்பம்சங்கள், வடிவமைப்பு மற்றும் விலை ஆகியவை இன்னும் ரகசியமாக வைக்கப்பட்டிருந்தாலும், போனின் பின்புறம் 'ஆக்டிவ் மேட்ரிக்ஸ் டிஸ்ப்ளே' (Active Matrix Display) இடம்பெறும் என டீஸர் மூலம் தெரியவந்துள்ளது. இது நத்திங் (Nothing) போன்களின் கிளிஃப் மேட்ரிக்ஸ் (Glyph Matrix) இடைமுகத்தால் ஈர்க்கப்பட்டது போல் தெரிகிறது. சந்தைப்படுத்தல் பொருட்கள் மற்றும் கசிவுகளின் அடிப்படையில், விரைவில் அறிமுகமாக உள்ள Infinix Note 60 Pro பற்றி நீங்கள் தெரிந்து கொள்ள வேண்டிய அனைத்தும் இங்கே:

Infinix Note 60 Pro அறிமுக விவரங்கள் மற்றும் இந்தியாவில் கிடைக்கும்தன்மை

Infinix Note 60 Pro இந்தியாவில் ஏப்ரல் 13 அன்று மதியம் 12 மணிக்கு*அறிமுகம் செய்யப்படுவது உறுதி செய்யப்பட்டுள்ளது. இந்த ஹேண்ட்செட் இந்தியாவில் Flipkart மற்றும் Infinix இந்தியா ஆன்லைன் ஸ்டோர் மூலம் வாங்குவதற்கு கிடைக்கும். இந்த போன் நிறுவனத்தின் உலகளாவிய இணையதளத்தில் பட்டியலிடப்பட்டுள்ளது. அதன்படி இது டீப் ஓஷன் ப்ளூ, மிஸ்ட் டைட்டானியம், மோச்சா பிரவுன், சோலார் ஆரஞ்சு, டோரினோ பிளாக் மற்றும் ஃப்ரோஸ்ட் சில்வர் ஆகிய வண்ண விருப்பங்களில் வழங்கப்பட உள்ளது. இந்தியாவில் இந்த அனைத்து வண்ணங்களும் கிடைக்குமா என்பதை நிறுவனம் இன்னும் உறுதிப்படுத்தவில்லை. மேலும் இது 8GB + 128GB, 8GB + 256GB, மற்றும் 12GB + 256GB ரேம் மற்றும் ஸ்டோரேஜ் ஆப்ஷன்களில் வரும் என்று எதிர்பார்க்கப்படுகிறது.

Infinix Note 60 Pro இந்தியாவில் எதிர்பார்க்கப்படும் விலை

இதன் இந்திய விலை இன்னும் அறிவிக்கப்படவில்லை. இருப்பினும், இது அதன் முந்தைய மாடலை விட சற்று அதிக விலையில் இருக்கும் என எதிர்பார்க்கப்படுகிறது. ஒப்பீட்டிற்கு, இதற்க்கு முன் வந்த Infinix Note 50 Pro மார்ச் 2025 இல் சில உலகளாவிய சந்தைகளில் சுமார் IDR 31,99,000 (தோராயமாக ரூ. 17,000) ஆரம்ப விலையில் அறிமுகப்படுத்தப்பட்டது. இந்தியாவின் சரியான விலை அறிமுக நாளன்று தெரியவரும்.

Infinix Note 60 Pro சிறப்பம்சங்கள் மற்றும் அம்சங்கள் (எதிர்பார்க்கப்படுபவை)

வடிவமைப்பு மற்றும் திரை :

* இரண்டு லென்ஸ்கள் மற்றும் எல்இடி பிளாஷ் கொண்ட சதுர வடிவ பின்புற கேமரா மாட்யூல் இதில் இருக்கும்.
* முக்கிய அம்சமாக, போனின் பின்புற பேனலில் பல எல்இடிகளைக் கொண்ட ஆக்டிவ் மேட்ரிக்ஸ் டிஸ்ப்ளே இருக்கும்.
* திரை: 6.78-இன்ச் 1.5K (1,208x2,644 பிக்சல்கள்) LTPS AMOLED டிஸ்ப்ளே.
* கூடுதல் அம்சங்கள்: 144Hz ரெஃப்ரெஷ் ரேட், 4,500 நிட்ஸ் பீக் பிரகாசம், கார்னிங் கொரில்லா கிளாஸ் 7i பாதுகாப்பு மற்றும் IP64 தூசி மற்றும் நீர் எதிர்ப்பு மதிப்பீடு.

செயல்திறன் மற்றும் மென்பொருள்:

இது இந்தியாவில் ஒரு  Snapdragon SoC  உடன் வரும் என்பது உறுதி செய்யப்பட்டுள்ளது. அநேகமாக இது Snapdragon 7s Gen 4 சிப்செட்டாக இருக்கலாம்.
கிராபிக்ஸ்:  Adreno A810 GPU.
இயங்குதளம்: நிறுவனத்தின் சமீபத்திய ஆண்ட்ராய்டு 16 அடிப்படையிலான  XOS 16 இல் இது இயங்கும்.

கேமரா:

பின்புற கேமரா:  50 மெகாபிக்சல் (f/1.59) முதன்மை கேமரா (OIS வசதியுடன்) மற்றும் 8 மெகாபிக்சல் (f/2.2) அல்ட்ராவைடு கேமரா.
செல்ஃபி கேமரா: முன்பக்கத்தில் 13 மெகாபிக்சல் (f/2.2) கேமரா.
இது 4K/30 fps வேகத்தில் வீடியோக்களை பதிவு செய்யும் திறன் கொண்டதாக இருக்கலாம்.

பேட்டரி:

Infinix Note 60 Pro உலகளாவிய ரீதியில்  6,500mAh பேட்டரி மூலம் இயக்கப்படுவது உறுதி செய்யப்பட்டுள்ளது. இது 90W வயர்டு சார்ஜிங்  மற்றும் 30W வயர்லெஸ் ஃபாஸ்ட் சார்ஜிங் வசதியைக் கொண்டிருக்கும். இந்திய மாடலில் இதே வசதிகள் இருக்குமா என்பதை நிறுவனம் விரைவில் அறிவிக்கும்.